Со намера да „освежи“ имиџ и да привлече помлада публика, компанијата го претстави новиот визуелен идентитет. Наместо аплауз – следеше вистински цунами на незадоволство. Купувачите рекоа дека брендот „повеќе не е ист“, социјалните мрежи експлодираа од критики, а акциите на компанијата паднаа за околу 100 милиони долари, пренесува CBS.
Зошто еден потег предизвика толку гнев?
Затоа што логото не е само буква или слика. Тоа е емоција, традиција и чувство на припадност. Луѓето се врзуваат за брендовите како за стари пријатели – а кога тој пријател ненадејно го промени лицето, реакцијата може да биде бурна.
Лекцијата што треба да се научи
Ребрендирањето не е само естетска одлука. Тоа е хируршка интервенција во сржта на идентитетот на фирмата. Секоја промена мора да биде внимателно тестирана, објаснета и искомуницирана со публиката. Инаку, од големо „освежување“ може да остане само горчлив вкус.
Или, како што велат маркетинг-стручњаците:
Логото може да се смени за една минута, но довербата на потрошувачите се гради со децении.
Извор: bizlife.rs
